Gürcüstan prezidenti ilə Aİ-nın xarici işlər və təhlükəsizlik siyasəti üzrə ali nümayəndəsi arasında telefon danışığı baş tutub

Gürcüstan prezidenti Salome Zurabişvili Avropa İttifaqının xarici işlər və təhlükəsizlik siyasəti üzrə ali nümayəndəsi Cozef Borrellə telefonla danışıb.

InterPress.ge xəbər verir ki, bu barədə Gürcüstan prezidenti özünün “Twitter” səhifəsində yazıb.

Zurabişvilinin sözlərinə görə, onların tepefon söhbətinin mövzusu Gürcüstanın sürətləndirilmiş formada Avropaya inteqrasiyası və təhlükəsizlik məsələləri olub.

“Mən Cozef Borrellə Gürcüstanın Avropaya inteqrasiya və təhlükəsizliyə, o cümlədən Qara dənizin təhlükəsizliyinə aparan sürətləndirilmiş yolu haqqında danışdım. Gürcüstanın suverenliyini və ərazi bütövlüyünü dəstəklədiyinə görə Borrelə təşəkkür edirəm”, Zurabişvili yazıb.