Ölkə başçısı Ukrayna xalqına müraciət etdi

"Sizə demək istəyirəm ki, biz gürcülər sizi dəstəkləyirik, Rusiyanın təcavüzünə qarşı mübarizədə sizinləyik, bunun nə demək olduğunu bilirik və bu ilk ayda necə cəsarətlə müqavimət göstərdiyinizi bilirik".

 InterPress.ge xəbər verir ki, bu barədə Gürcüstan Prezidenti Salome Zurabişvili Ukrayna xalqına videomüraciətində bildirib. 

Zurabişvilinin sözlərinə görə, ukraynalılar öz azadlıqları və müstəqillikləri, eləcə də Gürcüstan üçün mübarizə aparırlar.

“Mən gürcü xalqı, Gürcüstan dövləti adından dostlarıma, Ukrayna vətəndaşlarına, müdafiə etdikləri şəhərlərdə, müqavimət göstərdikləri yerlərdə - Mariupolda, Kiyevdə, Xarkovda, Odessada döyüşənlərə müraciət etmək istərdim. Mən bu mübarizədə şücaət göstərmiş ukraynalı qadınlara müraciət etmək istəyirəm, onları dəstəkləyirəm. Mən qonşu ölkələrdə olan və Gürcüstana da gələn ukraynalı qaçqınlara müraciət etmək istərdim. Sizə demək istəyirəm ki, biz gürcülər sizi dəstəkləyirik, Rusiyanın təcavüzünə qarşı mübarizədə sizinləyik, bunun nə demək olduğunu bilirik və bilirik ki, siz bu ilk aylarda, məhz bu 29 gündə necə mərdliklə müqavimət göstərmisiniz. Siz artıq Rusiyaya müqavimət göstərərək, hər kəsin super güc hesab etdiyi şeyin Ukraynanı məğlub edəcək qədər güclü olmadığını göstərərək qazandınız. Sizə bütün qəlbimlə uğurlar, qələbələr arzulayıram, çünki biz sizin dostlarınız olaraq bilirik ki, siz öz müstəqilliyiniz uğrunda, həm də azadlığımız üçün, müstəqilliyimiz üçün, ümumi yolumuzda mübarizə aparan sizsiniz. Sağ ol, Ukrayna, Ukraynaya eşq olsun!” – deyə Zurabişvili bildirib.