Gürcüstanda boşanmaların sayı artıb

Ötən il Gürcüstanda nikahların sayı 41,5%, boşanmaların sayı isə 39,4% artıb.

InterPress.ge xəbər verir ki, bu barədə Milli Statistika Xidməti məlumat yayıb.

O cümlədən, Geostat-ın hesabatına görə, 2021-ci ildə 23 155 nikah qeydə alınıb ki, bu da əvvəlki ilin müvafiq göstəricisindən 41,5 faiz çoxdur. Rəsmi məlumatlara görə, ilk nikah yaşı qadınlar üçün orta hesabla 29, kişilər üçün isə 31,5 təşkil edir.

Eyni zamanda, 2021-ci ildə qeydə alınmış boşanmaların sayı 10 654 ədəd təşkil edib ki, bu da əvvəlki ilin müvafiq göstəricisindən 39,4 faiz çoxdur.