Rustavidə gənc qadın körpüdən tullanaraq intihar etməyə çalışıb

Rustavidə intihar etmək üçün mərkəzi körpüdən tullanmağa çalışan qadın patrul polisinin əməkdaşları tərəfindən xilas edilib.

InterPress.ge xəbər verir ki, patrul polisi əməkdaşları öz fəaliyyətlərini həyata keçirdikləri zaman körpüdən Mtkvari (Kür) çayına tullanmaq istəyən gənc qadını görüblər.

35 yaşlı qadına patrul xidmətinin əməkdaşları gizli şəkildə yaxınlaşıblar, daha sonra onun əlindən tutaraq körpünün bəndinin o biri tərəfinə çəkiblər.

Hadisə yerinə təcili tibbi yardım briqadası çağırılıb.  Qadın Rustavi Rayon Mərkəzi Xəstəxanasına çatdırılıb, səhhəti stabildir.