Gürcüstan Parlamentinin sədri Ermənistanın baş naziri ilə görüşüb

Gürcüstan Parlamentinin sədri Şalva Papuaşvili Ermənistan Respublikasının baş naziri Nikol Paşinyanla görüşüb. 

InterPress.ge xəbər verir ki, bu barədə Gürcüstan parlamenti məlumat yayıb.

Görüşdə Gürcüstan və Ermənistan Respublikası arasında dostluq və əməkdaşlıq əlaqələri müzakirə olunub.

“Görüşdə həmçinin qeyd olunub ki, regionda təhlükəsizlik riskləri və çağırışları nəzərə alınaraq, iki ölkənin dövlət qurumları arasında əlaqələrin sıx olması vacibdir”, - deyə məlumatda bildirilir.

Görüş Şalva Papuaşvilinin Ermənistan Respublikasına rəsmi səfəri çərçivəsində baş tutub.

Nümayəndə heyətinə Qiorqi Volski, Sozar Subari, Samvel Manukyan, Sumbat Kiuregiani, Elquca Qoçiridze və Xatuna Samnidze daxildir.