Kanada rusiyalı milyarderlərə qarşı sanksiya tətbiq edib

Kanada Ukraynadakı hadisələrə görə Rusiyanın doqquz vətəndaşına qarşı sanksiya tətbiq edib.

InterPress.ge-nin məlumatına görə, siyahıda ümumi sərvəti 26,3 milyard ABŞ dolları olan “Norilsk Nikel” şirkətinin prezidenti Vladimir Potanin, "Renova"nın sahibi Viktor Vekselberq, “Sibur”un səhmdarı Kirill Şamalov və “Novatek”in rəhbəri Leonid Mixelsonun da adı var .

Kanada hökumətinin saytında dərc olunan siyahıya həmçinin biznesmen Dmitri Pumpyanski, Qalina Pumpyanskaya, biznesmen Aleksandr Vinokurov, “Rusaqro” şirkətinin direktorlar şurasının sədri Vadim Moşkoviç, Rusiya Baş Qərargahının (QRU) Baş Kəşfiyyat İdarəsinin rəisi İqor Kostyukov da daxil edilib.