Beynəlxalq donorlar Ukraynaya 9,1 milyard avro ayıracaq
Beynəlxalq donorlar Ukrayna və ukraynalılar üçün 9,1 milyard avro ayıracaq.
InterPress.ge xəbər verir ki, məlumatı Ukrayna mətbuatı yayıb.
KİV-in yaydığı məlumata görə, Avropa İttifaqının birgə təşkilatçılığı ilə Varşavada beynəlxalq donor konfransı keçirilib. Beynəlxalq təşkilatlar, müxtəlif ölkələrin hökumətləri və iri şirkətlər Ukraynaya 9,1 milyard avro ayırmağa razılaşıblar. Məlumata görə, bu məbləğin 4,1 milyard avrosu Ukraynanın dövlət büdcəsinə köçürüləcək və Ukrayna bunu qaytarmağa borclu olmayacaq, qalan 5 milyard avro isə kredit kimi ayrılacaq.
"Bu gün biz həm Ukraynada qalanlar, həm də xaricə gedənlər üçün 9,1 milyard avro topladıq. Və daha çox olacaq. Biz dəstəkləməyə davam edəcəyik", - Avropa Komissiyasının sədri Ursula fon der Leyen deyib.
Ukraynalı qaçqınlara kömək məqsədilə donor konfransı keçirilib, lakin Avropa Komissiyasının prezidentinin sözlərinə görə, Ukrayna infrastrukturunun yenidən qurulması üçün vəsaitin cəlb edilməsi planlaşdırılır.
