Gürcüstanda illərdi yoxa çıxan yeniyetmənin cəsədi tapıldı

Qoridə 2004-cü ildə yoxa çıxan yeniyetmənin cəsədi tapılıb.

lnterPress.ge xəbər verir ki, məlumatı 2004-cü ildə Qoridə yoxa çıxan 11 yaşlı Zakro Bercnişvilinin anası Xatuna Razmadze-Bercnişvili təsdiqləyib.

Mövcud məlumata görə, meyit Liaxvi çayının sahilində tapılıb.

“Uşağımı tapdıq”,- deyə o bildirib.

İtkin düşən oğlanın anası digər təfərrüatlar barədə heç nə deməyib və yalnız ailənin emosional cəhətdən çətin vəziyyətdə olduğunu deyib və hələlik əlavə şərh verməyib.

İş üzrə təqsirli bilinən İaqo Nebiericeyə gəlincə, təqsirləndirilən şəxsin anası Nunu Qriqalaşvili bildirib ki, Nebierice uşağın ailəsinə Zakro Bercnişvilinin cəsədinin yeri barədə məlumat verib.

“Oğlum həbsxanadan uşağın harada olması barədə Berdzenişvili ailəsinə məlumat verib, lakin uşağın yoxa çıxmasında və öldürülməsində onun heç bir günahı yoxdur, sadəcə olaraq görüb və məlumat olub”, - o deyə Nunu Qriqalaşvili bildirib.

Əlaqədar qurumdan verilən məlumata görə, bir nəfərin meyiti tapılıb, istintaq davam etdirilir.

11 yaşlı Zakro Berdznişvili 2004-cü ilin noyabrında Qoridəki evindən naməlum şəraitdə yoxa çıxıb. Uşağın harada olduğunu müəyyən etmək üçün araşdırmalar aparılsa da, cəsədin izinə rast gəlinməyib. Belə bir versiya var idi ki, 11 yaşlı oğlan pul tələb etmək üçün qaçırılıb. Daha sonra İaqo Nebierice hədə-qorxu ilə tələb etmə ittihamı ilə işin iştirakçılarından biri kimi həbs edilib. Bununla belə, Nebierice hələ də uşaq oğurluğu və ya qətldə ittiham olunmayıb.

Zakro Bercnişvili işindən əlavə, 2018-ci ildə Qoridə 9 yaşlı Naniko Beriaşvilinin qətlində əsas fiqur İaqo Nebiericedir. Hazırda mühakimə olunan və ömürlük həbs cəzasına məhkum edilən İaqo Nebierice qızı öldürməkdə və ona qarşı cinsi zorakılıq etməkdə təqsirli bilinib.

İaqo Nebierice 2018-ci ildə hüquq-mühafizə orqanlarına illər əvvəl yoxa çıxan Zakro Bercnişvilinin cəsədinin yerini bildiyini deyib və qeyd olunan ərazi kimi Qori mədəniyyət və istirahət parkını göstərib. Bir neçə həftə ərzində müxtəlif alətlər və canlı qüvvə ilə parkın ərazisində əməliyyat-axtarış tədbirləri aparılsa da, hüquq-mühafizə orqanlarının əməkdaşları cəsədin izinə rast gəlinməyib.