Ukraynada öldürülən iki gürcü döyüşçü vətənə qaytarıldı

Ukraynada həlak olan iki gürcü döyüşçü - Davit Menabdişvili və Nika Şanava vətənə gətirilib.

InterPress.ge xəbər verir ki, vətəndaşlar həlak olan döyüşçüləri yad etmək üçün Tbilisi Beynəlxalq Hava Limanına toplaşıblar. 

Həlak olanların ailə üzvləri və yaxınları da hava limanında olub. Vətəndaşlar ölənlərin vətənə qaytarılmasını şamlarla, eləcə də Gürcüstan və Ukrayna bayraqları ilə qarşılayıblar. Davit Menabdişvili və Nika Şanava Gürcüstan və Ukrayna himnlərinin sədaları altında hava limanından çıxarılıb.

Nika Şanava və Davit Menabdişvili aprelin 9-da Ukraynanın Xarkov vilayətinin İzumi şəhəri yaxınlığında baş verən toqquşmada həlak olublar.

Ukraynada indiyədək 6 gürcü döyüşçü öldürülüb.