VMH nümayəndələri Ukraynaya səfər ediblər

“Vahid Milli Hərəkat” partiyasının sədri Nika Melia, eləcə də partiya üzvləri Eka Xerxeulidze və Koba Nakopiya Ukraynaya gedib. 

InterPress.ge xəbər verir ki, bu barədə Milli Hərəkatın mətbuat xidmətindən məlumat verilib.

Vahid Milli Hərəkatdan başqa, Gürcüstanın dördüncü prezidenti Qiorqi Marqvelaşvili də Ukraynadadır.

“Milli Hərəkat”ın sədri Nika Meliyanın qeyd etdiyinə görə, Ukraynada onlar gürcü müxalifətini deyil, gürcü xalqını təmsil edirlər.

“Bu nümayəndə heyəti çərçivəsində bizim bir çox görüşlərdə iştirak etmək imkanımızın olması vacibdir. Bu gün biz burada və indi Gürcüstan müxalifətini təmsil etmirik. Biz burada və indi əksəriyyəti Ukrayna ilə həmrəy olan gürcü xalqını təmsil edirik”, – Nika Melia.