Ukrayna Prezidenti: "Ukraynada baş verənləri gördüyümüzdən sonra dünyaya inanmıram"

Ukrayna prezidenti Vladimir Zelenski müharibənin qızışdığı bir ölkədə “bəzi ölkələrin və ya bəzi liderlərin” etibarına inanmaqda çətinlik çəkdiyini bildirib.

InterPress.ge xəbər verir ki, Zelenskinin CNN-ə müsahibəsində dediyinə görə, o, sözlərə inanmır.

"Ukraynada baş verənləri gördüyümüzdən sonra dünyaya inanmıram. Yəni bəzi ölkələrin və ya bəzi liderlərin hisslərinə inanmıram. Biz sözə inanmırıq. Biz bütün bunlara inanmırıq”, – deyə o bildirib.

Ukrayna prezidenti həmçinin sənədləşdirilmiş təhlükəsizlik zəmanətlərinə və beynəlxalq hüquqa inanmadığını bildirib.

"Mən sənədlərə də inanmıram, çünki bizim Budapeşt Memorandumu var - məncə, siz bütün detalları bilirsiniz. Mənim üçün bu, sadəcə bir kağız parçasıdır və heç bir dəyəri yoxdur", - Zelenski deyib.

Zelenski deyib ki, onun inancı praktiki, nəzərəçarpacaq səylərə və Ukrayna xalqına əsaslanır.

“Biz sadəcə müqaviləyə, praqmatik bir şeyə inanırıq. Əgər bizim dostumuz və ya ortağımızsınızsa, bizə silah verin, əlimizdən tutun, kömək edin, pul verin və Rusiyanı dayandırın, Rusiyanı vurun.

Yeganə özümüzə inamımız, xalqımızın inamı, silahlı qüvvələrimizin inamı və ölkələrin bizi təkcə sözdə deyil, həm də əməldə dəstəkləyəcəyinə inamdır”, - deyə Zelenski əlavə edib.