Ağ Ev: ABŞ Ukraynaya təhlükəsizlik sahəsində kömək etmək üçün 24 saat işləyir

"ABŞ Ukraynaya təhlükəsizlik baxımından kömək etmək üçün 24 saat işləyir".

InterPress.ge xəbər verir ki, bunu Ağ Evin sözçüsü Cen Psaki deyib.

“Biz ukraynalılar və ukraynalı hərbçilərlə işləyirik ki, müharibənin indiki mərhələsində dəqiq olaraq hansı növ təhlükəsizlik yardımına ehtiyac var. Bura artilleriya və döyüş sursatlarının tədarükünün artırılması daxildir”, – Ağ Evin sözçüsü bildirib.

Aprelin 19-da ABŞ prezidenti Co Bayden Ukraynaya əlavə artilleriya göndərməyə hazırlaşdığını açıqlayıb.

Bundan əvvəl ABŞ Müdafiə Nazirliyinin yüksək rütbəli rəsmisi CNN-ə bildirib ki, Birləşmiş Ştatlar Ukraynaya görünməmiş sürətlə silah tədarük etmək üçün sutkanın 24 saatı işləyir.