Marneulidə Gürcüstan-Amerika diplomatik əlaqələrinin 30 illiyinə həsr olunmuş tədbir keçirildi

Marneuli Amerika guşəsinin təşkilatçılığı, Mədəniyyət Mərkəzinin və İctimai Kitabxananın dəstəyi ilə Gürcüstan-Amerika diplomatik əlaqələrinin 30 illiyinə və Marneuli Amerika guşəsinin bir illiyinə həsr olunmuş tədbir keçirilib.

lnterPress.ge xəbər verir ki, bu barədə Marneuli Bələdiyyəsi məlumat yayıb.

Məlumata görə, tədbir çərçivəsində gənclər üçün viktorina təşkil olunub. Amerika guşəsinin qaliblərinə və fəal iştirakçılarına simvolik hədiyyələr verilib.

Tədbirdə Marneuli Bələdiyyəsi merinin müavini Temur Şubitidze, ABŞ səfirliyinin ictimai diplomatiya üzrə məsul əməkdaşı Altia Koli-Merfi, ABŞ Kosmik Koordinatoru Qiorqi Qabunia və dəvət olunmuş qonaqlar iştirak ediblər.