Kobaxidzedən açıqlama: "Saakaşviliyə azadlıq tələb edənlərin hamısının əsas məqsədi..."

"Mixail Saakaşvilinin cəzaçəkmə müəssisəsindən azad edilməsini tələb edənlərin hamısının əsas məqsədi ölkəni müharibəyə sürükləməkdir".

InterPress.ge xəbər verir ki, bu barədə “Gürcü Arzusu”nun sədri İrakli Kobaxidze bildirib.

“Mixail Saakaşvilinin cəzaçəkmə müəssisəsindən azad edilməsini tələb edən və ya gələcəkdə bunu tələb edəcək hər kəsin yeganə məqsədi var - Gürcüstanı hərbi münaqişəyə cəlb etmək. Ona görə də istənilən belə çağırışla bağlı mövqeyimiz, əlbəttə ki, çox aydın olacaq – Saakaşvili cəzasını çəkməlidir”, - deyə İrakli Kobaxidze bildirib.

"Vahid Milli Hərəkat" prezident Salome Zurabişvilini Mixail Saakaşvilinin azadlığa buraxılmasını imzalamağa çağırır.