Ukrayna Baş nazirinin müavini: "14 ukraynalı əsirlikdən azad edildi"

Bu gün 14 ukraynalı rus əsirliyindən azad edilib. 

InterPress.ge xəbər verir ki, bu barədə baş nazirin müavini İrina Vereşuk məlumat yayıb.

Vereşukun sözlərinə görə, 7 hərbçi və 7 mülki şəxs azad edilib.

“Bu gün əsirləri dəyişdirdik. 14 vətəndaşımızı vətənə qaytarırdıq. Bu mübadilə mənim üçün xüsusidir: hərbçilərdən biri 5 aylıq hamilədir", - Vereşuk bildirib.

Baş nazirin müavininin yaydığı məlumatda Ukrayna tərəfinin mübadilə zamanı nə qədər Rusiya vətəndaşının azad edildiyi göstərilmir.