Gənc qadın əri tərəfindən 16 yerindən bıçaqlandı

Borjomi bələdiyyəsində 37 yaşlı qadın əri tərəfindən soyuq silahla bıçaqlanıb.  

InterPress.ge xəbər verir ki, gənc qadının bədəninin müxtəlif yerlərində 16 yara var.  

Qadın aldığı xəsarətlərlə Borjomidə "Geo Hospital"a yerləşdirilib. Klinikanın rəhbəri İrakli Diasamidzenin verdiyi məlumata görə, o, əməliyyat olunub və hazırda səhhəti stabildir.

“Pasiyent hazırda palatadadır.  Bədənində 16 yara var, müxtəlif orqanları, ağciyərləri, böyrəkləri və döş qəfəsi zədələnib. Hazırda vəziyyət stabildir, xəstə kontakt haldadır”, - İrakli Diasamidze bildirib.