Mixeil Sarcveladze: "Gürcüstanda müharibə başlamalıdır deyən hər kəs bu ölkəyə düşməndir"

"Gürcüstanda müharibəyə başlamaqdan danışmaq ölkəyə düşmənçilikdir".

InterPress.ge xəbər verir ki, bunu Parlament çoxluğunun üzvü Mixeil Sarcveladze deyib.

Sarcveladzenin dediyinə görə, bu cür bəyanatlar ölkə üçün zərərlidir.

"Milliyətindən, etnik mənşəyindən, vətəndaşlığından asılı olmayaraq, Gürcüstanda müharibənin başlamasından danışan hər kəs Gürcüstana qarşı düşmənçilik hissi bəsləyir. İstər-istəməz Gürcüstanın düşmənidir. Buna görə də, insan hansı millətə aid olursa olsun, Gürcüstanı hərbi vəziyyətə, müharibətə iştirak etməyə çağırırsa, bu, Gürcüstanın maraqlarında deyil. Bu, bilərəkdən və ya bilməyərəkdən Gürcüstanın maraqlarının düşmənçiliyidir”, - Sarcveladze bildirib.