Marneuli bələdiyyəsində ağır yol qəzası baş verdi - Gənc oğlan və 11 yaşlı uşaq həyatını itirdi

Marneuli bələdiyyəsinin Ağməmədli kəndində bu gün səhər saatlarında ağır yol qəzası baş verib.

InterPress.ge xəbər verir ki, yüksək sürətli hərəkət edən opel markalı avtomobil qarşısına çıxan 11 yaşlı uşağı vuraraq öldürüb. 

Məlumat görə, uşaq mal-qaranı yoldan keçirərkən avtomobili idarə edən sürücü uşaqı vurub və daha sonra avtomobil idarəetməni itirərək aşıb, ağaca çırpılıb. Sürücü yerindəcə həyatını itirib.

Hadisə yerinə təcili tibbi yardım, xilasetmə qrupu və polis cəlb olunub.

Faktla bağlı araşdırma aparılır.