Sabahdan etibarən Gürcüstan vətəndaşlarının Almaniyaya giriş qaydaları dəyişdirilir

İyunun 1-dən Gürcüstan vətəndaşları Almaniyaya sadələşdirilmiş qaydalarla daxil ola biləcəklər.

InterPress.ge xəbər verir ki, bu barədə Almaniyanın Gürcüstandakı səfirliyi məlumat yayıb.

Xüsusən də Almaniyaya daxil olmaq istəyənlərdən artıq peyvənd, sağalma və ya test sənədi tələb olunmur. 

İnfeksiyadan qorunmaq üçün yaradılmış yüksək riskli ölkələrin siyahısı aradan qaldırılıb, çünki Omicron xəstəliyin çətin formalarına daha az səbəb olur;

Peyvənd sertifikatı yalnız virusun mutasiyaya uğradığı ölkələrdən Almaniyaya gedən şəxslər üçün tələb olunur. Bu halda, Ümumdünya Səhiyyə Təşkilatı tərəfindən siyahıya alınmış bütün peyvəndlərlə ölkəyə giriş mümkündür.  Gürcüstan bu ölkələrin siyahısına daxil edilməyib", - səfirliyin bəyanatında deyilir.