Zelenski: Ukrayna hər gün 100-ə qədər əsgər itirir

"Ukrayna hər gün 60-100 əsgər itirir".

InterPress.ge xəbər verir ki, bunu Newsmax-a müsahibəsində Ukrayna Prezidenti Vladimir Zelenski deyib.

“Ukraynanın şərqində vəziyyət çox ağırdır. Biz hər gün 60-100 əsgər itiririk və 500-ə yaxın əsgər döyüşdə yaralanır”, - deyə Zelenski bildirib.

Prezident Rusiyanın Qara dənizdə taxıl daşınmasına mane olmasından da danışıb.

“Hazırda 22,5 milyon ton taxıl Rusiya tərəfindən bloklanıb. Bu ərazini dənizə, suya açmaq üçün biz döyüşməliyik və 120-140 kilometr məsafəyə təsir göstərən silahlarımız olmalıdır”, - deyə Zelenski bildirib.