Biznesmen Qalib Öztürkə ittiham irəli sürüldü

Gürcüstan Prokurorluğu Batumidəki şirkətlərdən birinin təsisçisi Q.Ö.-ya qarşı külli miqdarda narkotik vasitələrin qanunsuz alınması və saxlanması faktı ilə bağlı ittiham irəli sürüb.

InterPress.ge xəbər verir ki, Gürcüstan Maliyyə Nazirliyinin İstintaq Xidmətinin əməkdaşları mayın 31 -də iş adamı Qalib Öztürkü saxlayıblar.

“Gürcüstanın Maliyyə Nazirliyinin İstintaq Xidməti tərəfindən aparılan araşdırmalar çərçivəsində, xüsusilə vergidən yayınma, saxta hesablaşma sənədlərinin hazırlanması və istifadəsi və qeyri-qanuni gəlirlərin leqallaşdırılması ilə bağlı mümkün faktları öyrənmək üçün hakimin qərarı əsasında, mayın 31-də Qalib Öztürkün  Batumi şəhərindəki mənzilində aparılan axtarış nəticəsində xüsusilə külli miqdarda 7,2159 qr kokain ələ keçirildi.

Hüquq-mühafizə orqanlarının əməkdaşları Qalib Öztürkü həmin gün saxladı. Ona Gürcüstan Cinayət Məcəlləsinin 260-cı maddəsinin 6-cı hissəsinin “a” bəndi ilə ittiham irəli sürüldü”, - prokurorluğun açıqlamasında bildirilir.

Onların sözlərinə görə, prokurorluq qanunla müəyyən edilmiş müddət ərzində həbs-qətimkan tədbirinin tətbiqi barədə vəsatətlə Batumi Şəhər Məhkəməsinə müraciət edəcək.

Qurumdan verilən məlumata görə, cinayət işi üzrə araşdırma aparılır.