Rusiya qüvvələri Odessa vilayətinə raket zərbəsi endirib

Səhər saatlarında Rusiya qüvvələri Odessa vilayətinə raket zərbəsi endirib. 

InterPress.ge xəbər verir ki, müvafiq məlumatı Odessa Şəhər Şurası “Cənub” Əməliyyat Komandanlığına əsaslanaraq yayıb.

Məlumata görə, iki nəfər yaralanıb.

İşğalçı qüvvələr strateji təyyarədən qanadlı raket atıblar. Rusiya kənd təsərrüfatı müəssisəsinə raket zərbəsi endirib, anbarları bombalayıb. Raket zərbəsi nəticəsində yaranan yanğın söndürülüb.

Bundan əvvəl Ukraynanın hava hücumundan müdafiə sistemləri Odessa vilayətində dəniz üzərində bir, Nikolayev vilayətində isə daha üç qanadlı raketi zərərsizləşdirib.