Baş nazir: "Gürcüstanda ikinci cəbhə, ikinci müharibə olmayacaq, biz və xalqımız sülh, sabitlik və inkişaf istəyirik"
"Gürcüstanda ikinci cəbhə, ikinci müharibə olmayacaq, biz və xalqımız sülh, sabitlik və inkişaf istəyirik".
InterPress.ge xəbər verir ki, bu barədə Gürcüstanın baş naziri İrakli Qaribaşvili hökumətin iclasında bildirib.
Hökumət başçısının sözlərinə görə, Avropanın mərkəzində genişmiqyaslı müharibə gedir, Avropa İkinci Dünya Müharibəsindən sonra belə bir problemlə üzləşməyib və avropalıların Ukraynaya skeptik münasibəti başa düşüləndir.
Baş nazir qeyd edib ki, Gürcüstan bu prosesdə sülh və sabitliyini qoruyub və Aİ-dən düzgün və ədalətli qiymətləndirmə və qərar gözləyir.
“Biz yaxşı başa düşürük və mən vətəndaşlarımıza izah etmək istəyirəm ki, bu, asan vəziyyət deyil. İkinci Dünya Müharibəsindən sonra Avropa belə bir problemlə üzləşməyib. Avropanın ortasında, Avropanın ən böyük dövləti olan Ukraynada nəinki Ukraynanı və onun suverenliyini təhdid edən, həm də Avropanın təhlükəsizlik arxitekturasını təhdid edən genişmiqyaslı müharibə gedir. Əslində, bu, bütün dünya nizamı üçün böyük bir problemdir. Ona görə də bu reallıqda, təbii ki, Aİ-yə üzv dövlətlər arasında Ukrayna ilə bağlı skeptisizm var, çünki onlar bütün bu problemləri Avropaya idxal etmək istəmirlər. Bu prosesdə biz Gürcüstanda sülhü və sabitliyi qorumuşuq. Bildiyiniz kimi, bir daha təkrar edirəm, Gürcüstanda nə ikinci cəbhə olacaq, nə də ikinci müharibə. Biz və xalqımız sülh, sabitlik və inkişaf istəyirik. Biz təbii ki, həmişə ölkəmizin milli maraqlarını güdəcəyik və bu barədə heç kim bizim fikrimizi dəyişə bilməz. Digər tərəfdən, təbii ki, qarşıya qoyduğumuz plana, məqsədimizə əməl edirik. Aİ-yə inteqrasiya ilə bağlı bu prosesdə əsas bələdçimiz Assosiasiya Sazişi (DCFTA), yəni Azad Ticarət Sazişidir və biz bunun 45 faizini yerinə yetirmişik. Burada da biz Şərq Tərəfdaşlığı ölkələri arasında, eləcə də Assosiyasiya olunmuş Üçlük arasında lider dövlətik. Sərbəst ticarətin 50%-dən çoxunu yerinə yetirmişik. Üzərimizə düşən bütün öhdəlikləri, o cümlədən qanunvericiliyin uyğunlaşdırılması və bir çox başqa sahələri tamamlamışıq. Eynilə, biz vizasız rejimə keçmək üçün çox iş gördük və indi təbii ki, 2024-cü ildə yerinə yetirmək vədimizi taclandırdıq, 2024-cü ildə yerinə yetirmək niyyətində idik, lakin indiki vəziyyəti nəzərə alaraq, təqdim etdik. Biz heç nə istəmirik, ədalətli və düzgün qiymət və qərar verilməsini istəyirik, çünki xalqımız müstəqilliyi bərpa etdikdən sonra ona sadiqdir və biz öz əsas yolumuzu və siyasətimizi davam etdiririk ki, Gürcüstan Aİ-nin tamhüquqlu üzvü olmalıdır və olacaq. İndi sakit, rahat və qətiyyətlə qərarı gözləyəcəyik. Əlbəttə, bizim üçün heç bir maneə olmayacaq, biz islahatları davam etdirəcəyik və işimizi yekunlaşdıracağıq”, - İrakli Qaribaşvili bildirib.
