"Gürcü Arzusu"nun sədri Avropa Parlamentinin qətnaməsində qeyri-dəqiqliklər və yalanların olduğunu bildirdi

"Avropa Parlamentinin qəbul etdiyi qətnamədə bir sıra faktiki qeyri-dəqiqliklər və yalanlar var".

InterPress.ge xəbər verir ki, “Gürcü Arzusu”nun sədri İrakli Kobaxidze bu barədə partiyanın mərkəzi ofisində keçirdiyi brifinqdə bildirib.

“İlk növbədə, kampaniya iştirakçılarının Avropa Parlamentinin qətnaməsinə daxil etdikləri bir sıra faktiki qeyri-dəqiqliklərə və yalanlara toxunacağıq. Məsələn, biz qətnamədə oxuyuruq ki, hakimiyyət hələ də Mixeil Saakaşvilini özəl klinikaya köçürməkdən imtina edir, ancaq Saakaşvili hazırda özəl klinikadadır. Biz qətnamədə oxuyuruq ki, Lekso Laşkarava iyulun 5-də aldığı xəsarətlər nəticəsində dünyasını dəyişib, ancaq onun ölümünün əsl səbəbi ictimaiyyətə yaxşı məlumdur”, - İrakli Kobaxidze bildirib.