Kobaxidze: Başa düşürük ki, komissiyanın qərarı siyasi qərar idi

"Başa düşürük ki, komissiyanın qərarı siyasi qərar idi və bunun öz səbəbləri var".

InterPress.ge xəbər verir ki, bu barədə jurnalistlərə “Gürcü Arzusu”nun sədri İrakli Kobaxidze deyib.

Onun sözlərinə görə, hamı bilir ki, Gürcüstan həm Ukraynanı, həm də Moldovanı qabaqlayır.

“Obyektiv faktdır ki, demokratiya, qanunun aliliyi, korrupsiyaya qarşı mübarizə və iqtisadi parametrlər kimi bütün parametrlərdə biz hər iki ölkədən öndəyik. Bu, obyektiv reallıqdır, qalanı siyasi qərardır. Buna görə də hökumət ərizənin uğurlu olması üçün hər şeyi etdi, lakin biz başa düşürük ki, komissiyanın qərarı siyasi qərar idi və onun öz səbəbləri var”, - Kobaxidze bildirib.