Gürcüstanın baş naziri istefa verəcək? - Partiya sədrindən açıqlama

"Bu tamamilə absurd sualdır və Bakurianidə hansısa planları olan insanların arzusudur.  Bu planlar iyunun 24-də keçiriləcək mitinqdə açıqlanacaq. Bu onların arzusudur və gerçəkləşməyəcək".

InterPress.ge xəbər verir ki, “Gürcü Arzusu” partiyasının sədri İrakli Kobaxidze jurnalistin “İrakli Qaribaşvilinin baş nazir kimi son hesabatı bu günmü açıqlanacaq, çünki mətbuatda İrakli Qaribaşvilinin dəyişdirilməsinin planlaşdırıldığı barədə məlumat yayılıb” sualını belə cavablandırıb.

Kobaxidzenin sözlərinə görə, bu barədə danışmaq ciddi deyil.

 “Bütün parametrlər üzrə Gürcüstan “üçlük”də birinci yerdə olduğu üçün istefa verməlidir? Bu cəfəngiyyatdır, heç bir şəkildə bu barədə şərh verə bilmərəm. Bu, ciddi deyil, onların bəzi Bakuriani arzuları var və bu arzuları həyata keçməyəcək”, - Kobaxidze bildirib.

Kobaxidze deyib ki, müxalifətçilər iki ay əvvəl Bakurianidə toplaşarkən belə plan hazırlayıblar.

“Onların elan etdiyi kimi, bu, “bölünmə” planıdır.  Bu, onların əvvəlki aksiyada istifadə etdiyi termindir. Təbii ki, bu plan həyata keçməyəcək. Bundan başqa, onların yerinə yetirməli olduqları bir məqam var - Avropa Komissiyasının hazırladığı sənədin birinci bəndi depolarizasiyadır. Bu ilk tövsiyəni yerinə yetirmək barədə düşünmək əvəzinə, əksini edirlər.  Bu onların üzüdür.  Bu onu göstərir ki, onlar Avropanı istəməyənlərdir”, - Kobaxidze bildirib.