Baş nazir NATO Sammitində iştirak etmək üçün Madridə yola düşüb

Gürcüstanın baş naziri İrakli Ğaribaşvili NATO Sammitində iştirak etmək üçün nümayəndə heyəti ilə Madridə gedib.

lnterPress.ge xəbər verir  ki, bu barədə Gürcüstan hökumətinin mətbuat xidməti məlumat yayıb.

Onların sözlərinə görə, Gürcüstan hökumətinin başçısını sammitə NATO-nun baş katibi Yens Stoltenberq dəvət edib.

“İrakli Ğaribaşvili Madridə səfəri çərçivəsində yüksək səviyyəli ikitərəfli görüşlər keçirəcək. Baş nazir İrakli Ğaribaşvilinin rəhbərlik etdiyi Gürcüstan nümayəndə heyətinə xarici işlər naziri İliya Darçiaşvili, müdafiə naziri Xuanşer Burçuladze və hökumət administrasiyasının rəhbəri Revaz Cavelidze daxildir",- deyə məlumatda qeyd olunub.