Rustavi metallurgiya zavodunun işçiləri etiraz edirlər

Rustavi metallurgiya zavodunun işçiləri işlərini dayandıraraq etiraz edirlər. Sexdə işləyən 100-ə yaxın işçi əmək haqqının 30% artırılmasını və 13-cü maaşın verilməsini tələb edir.

InterPress.ge xəbər verir ki etiraz edən işçilər fabrikin inzibati binası yaxınlığında toplanıb və sexin fəaliyyəti hələlik dayandırılıb.

Tələblər yerinə yetirilməyənə qədər işçilər iş yerlərinə qayıtmayacaqlar. Həmkarlar ittifaqlarının nümayəndələri aksiya iştirakçıları ilə həmrəy olduqlarını bildirirlər.

Müəssisənin rəhbərliyi Sortuli sexinin etiraz edən işçiləri ilə danışıqlar apardıqlarını və onların maaşlarını tədricən artırmağa hazır olduqlarını bildirən bəyanat yayımlayır.