ABŞ dövlət katibi Azərbaycan və Ermənistan xarici işlər nazirlərinin Tbilisidəki görüşünü qiymətləndirdi

Amerika Birləşmiş Ştatlarının dövlət katibi Entoni Blinken Azərbaycan və Ermənistan xarici işlər nazirlərinin Tbilisi görüşünü müsbət addım kimi qiymətləndirib.

InterPress.ge xəbər verir ki, bu barədə dövlət katibi öz Tvitter səhifəsində məlumat yayıb.

“Azərbaycanın xarici işlər naziri Ceyhun Bayramov və Ermənistanın xarici işlər naziri Ararat Mirzoyan Tbilisidə keçirilən görüşdə müsbət addım atıblar. Birbaşa dialoq Azərbaycan və Ermənistan fikir ayrılıqlarını həll etməyin ən düzgün yoludur”, - Blinken bildirib.

Xatırladırıq ki, iyulun 16-da Tbilisidə Ermənistan və Azərbaycan xarici işlər nazirlərinin görüşü baş tutub.