ÜST "meymunçiçəyi"ni qlobal fövqəladə vəziyyət elan etdi
Ümumdünya Səhiyyə Təşkilatı "meymunçiçəyi" ilə bağlı qlobal fövqəladə vəziyyət elan edib.
InterPress.ge xəbər verir ki, təşkilatın məlumatına görə, dünyanın 75 ölkəsində "meymunçiçəyi" qeydə alınıb və dünya miqyasında 16 500-dən çox "meymunçiçəyi" aşkarlanıb.
Ümumdünya Səhiyyə Təşkilatının rəhbəri Tedros Adhanom Qebreyesusun sözlərinə görə, artıq 5 ölüm halı qeydə alınıb. Buna görə də Tedros Adhanom Qebreyesus BMT-nin Səhiyyə Agentliyinin xüsusi komitəsində çalışan ekspertlər arasında konsensus olmamasına baxmayaraq, sözügedən qərarı verib.
"Bizdə yeni yoluxma yolları ilə dünyada sürətlə yayılan, haqqında çox az şey bildiyimiz və beynəlxalq sağlamlıq qaydalarının meyarlarına cavab verən bir epidemiya var", - ÜST rəhbəri bildirib.
