"Medianın öz məsuliyyətini dərk etməsi və siyasətçilərə hörmətlə yanaşmasının vaxtıdır" - Kaladze

"Medianın öz məsuliyyətini dərk etməsi və hansısa siyasətçini təhqir etmək əvəzinə, istənilən siyasətçiyə hörmətlə yanaşmasının vaxtıdır".

InterPress.ge xəbər verir ki, Tbilisi meri Kaxa Kaladze mediaya açıqlama verərkən “Gürcü Arzusu-Demokratik Gürcüstan” partiyasının sədri İrakli Kobaxidze ilə “Mtavari” teleşirkətinin jurnalisti arasında baş verən insidentə münasibət bildirib.

“Jurnalistlər tərəfindən üzləşdiyimiz münasibəti qınayıram. Qarşılıqlı hörmət çox vacibdir.  Konkret bir siyasətçini bəyənməyə bilərsiniz, onun addımlarını dəstəkləməyə bilərsiniz, amma şəxsi təhqirlər, ailə təhqirləri qətiyyən yolverilməzdir. Hər şeydən əvvəl, biz qarşılıqlı hörmət qoymalıyıq.  Jurnalist olanda və cavabdeh adamı təhqir edəndə, onu bəyənməsən də, bu, qəbuledilməzdir, düzgün deyil və çox pisdir.

Biz hamımız əlimizdən gələni etməliyik ki, ilk növbədə qarşılıqlı hörmət olsun. Hamımızın bu çətinliklərin öhdəsindən gəlməsinin vaxtıdır, çünki heç kimin ailəsini təhqir etmək xoş deyil. Əgər siz düşünürsünüzsə ki, media bizi təhqir etsin və biz başımız aşağı dayanaq, bu, yanlışdır. Səbirli olmaq nə deməkdir?  Onlar məni təhqir edəndə, məni necə gözəl təhqir etdiklərinə baxmalıyam?”, – Kaxa Kaladze mediaya danışarkən deyib.