Mediada Marneuli bələdiyyəsində toy kortejinin hərəkəti və silahların havaya atılmasının görüntülərini əks etdirən video yayılıb.
lnterPress.ge xəbər verir ki, bununla bağlı Daxili İşlər Nazirliyi tərəfindən araşdırmalara başlanılıb.
DİN-in Strateji Kommunikasiyalar İdarəsinin məlumatında qeyd olunub ki, hadisəni törədən şəxslər müəyyən edilərək, onlardan silah-sursat götürülüb.
"Hüquq-mühafizə orqanlarının əməkdaşları bildiriş aldıqdan dərhal sonra faktla bağlı araşdırmalara başlayıblar. Polis əməkdaşlarının həyata keçirdikləri müvafiq tədbirlər nəticəsində qanun pozucuları qısa müddətdə müəyyən edilərək cərimələniblər.
Konkret olaraq: Kadrlarda təsvir olunan avtomobilin sürücüsü İnzibati Xətalar Məcəlləsinin 125-ci (fövqəladə vəziyyət yaratma) maddəsi ilə, 2 nəfər isə həmin Məcəllənin 181-3-cü (silah daşıma qaydalarını pozma) maddəsi ilə cərimə olunub. Polis cinayətkarların hər iki səs tapancasına əl qoyub", - deyə məlumatda qeyd olunub.
