Gürcüstanın keçmiş prezidenti Mixail Saakaşvili Ukraynada, cəbhə xəttində vəziyyəti dəyərləndirir.
InterPress.ge xəbər verir ki, bu barədə Saakaşvilinin rəsmi Facebook səhifəsində yazılıb.
“Ukraynadakı cəbhə xəttindəki vəziyyəti dəyərləndirirəm:
Bu günə qədər biz artıq 1800 tankı məhv etmişik.
Orta hesabla gündə 5 tank məhv edirik.
Məncə, hücum potensialını tamamilə aradan qaldırmaq üçün 3000-3500 tankı məhv etmək lazımdır.
Bu nisbət qorunub saxlanılarsa - bunun üçün 240-300 gün tələb olunacaq.
Xerson hücumu elan edildikdən sonra Xerson tərəfinə böyük bir hücum potensialı göndərildi və onlar 25.000-ə qədər adam topladılar - onların Nikolayevə hücum edə biləcəyi barədə məlumatlar var - amma məncə bu, dəlilikdir - bu, çox çətin bir iş olacaq və onlar çox ağır bir bədəl ödəməli olacaqlar və uğur qazanmaq şansı hələ çox azdır.
Hərbi rəhbərliyin tələsməməsi xoşuma gəlir - ona görə də döyüş meydanında az səhv edir.
Ən pessimist ssenaridə Ukraynaya yekun tam qələbə üçün 10 ay vaxt lazım olacaq.
Haymars döyüş meydanına ciddi dissonans gətirdi - hər gün orta hesabla 5 anbar və 1-2 nəzarət nöqtəsi Haymars tərəfindən məhv edilir.
Artilleriya yaxşı atəş aça bilmir - bizə Haymars çox kömək edir - rus artilleriyasının işi 3,5-4 dəfə azalıb.
Yeni yardım paketində amerikalılar bizə Rusiyanın zenit sistemlərini məhv etmək və təyyarələri vurmaq üçün çox vacib raketlər verdilər”, - deyə Mixail Saakaşvili bildirib.
