Marneuli Bələdiyyəsinin meri “Yeni Düşüncə İnstitutu”nun nümayəndələri ilə görüşdü

Marneuli Bələdiyyəsinin meri Kənan Ömərov “Yeni Düşüncə İnstitutu”nun nümayəndələri ilə görüş keçirib.

InterPress.ge xəbər verir ki, Marneuli Bələdiyyəsi meriyasından verilən məlumata görə, Kənan Ömərov  “Azərbaycandilli məktəblərdə gürcü dilinin tədrisi siyasətinin sistemli problemlərinin göstərilməsi və təbliği” layihəsi çərçivəsində fokus qrupların tədqiqatlarının nəticələri ilə tanış olub.

Onların məlumatına görə, tərəflər məktəbəqədər təhsil müəssisələrində dövlət dilinin öyrənilməsinin yeni üsullarının tətbiqi məsələlərini müzakirə edib və gələcək əməkdaşlıq barədə razılığa gəliblər.