Gürcüstanın Xarici İşlər Nazirliyi Türkiyəyə başsağlığı verdi

“Türkiyədə baş vermiş dəhşətli qəza nəticəsində ölənlər haqqında məlumatlara görə çox təəssüflənirik”.

lnterPress.ge xəbər verir ki, bu barədə Gürcüstan Xarici İşlər Nazirliyinin rəsmi “Twitter” səhifəsində dərc olunmuş bəyanatda qeyd olunub.

“Mərhumların ailələrinə və yaxınlarına dərin hüznlə başsağlığı veririk. Bütün yaralıların tezliklə sağalmasını arzu edirik. Gürcüstan bu kədərli vaxtda sizin yanınızdadır”, - deyə başsağlığında qeyd olunub.

Xatırladaq ki, bu gün Türkiyənin Qaziantep əyalətində Qaziantep-Nizip yolunda sərnişin avtobusu, təcili yardım maşını, yanğınsöndürən maşını və jurnalist maşını toqquşub, nəticədə 16 nəfər ölüb, 21 nəfər yaralanıb.