Sentyabrın 1-dək Gürcüstanda gözlənilən hava şəraiti açıqlandı

Gürcüstanda isti hava sentyabrın 1-dək davam edəcək. 

InterPress.ge xəbər verir ki, bu barədə Milli Ətraf Mühit Agentliyi məlumat verib.

Məlumata görə, düzənlikdə və aran bölgələrində havanın temperaturunun +31, +36 dərəcə təşkil edəcəyi gözlənilir.

“Qərbi Gürcüstanın bəzi rayonlarında yüksək temperaturla əlaqədar bir qədər yağış yağa bilər, Şərqi Gürcüstanda isə hava yağmursuz keçəcək.

Avqustun 26-27-də Kolxeti düzündə, Zemo İmeretidə, Qara dənizin sahilyanı rayonlarında, Qori-Surami bölməsində, dağlıq rayonların bəzi ərazilərində güclü külək əsəcək, avqustun 28-də isə küləyin sürəti zəifləyəcək.

Tbilisidə hava yağmursuz keçəcək.  Havanın gündüz 34-36 dərəcə isti olacağı gözlənilir”, - məlumatda deyilir.