İrakli Kobaxidze: "İlk hakimiyyətik ki, dövrümüzdə bir dənə də olsun müharibə olmayıb"

"Anti-Rusiya hökuməti ölkəni idarə edərkən ölkənin 20 faizini Rusiya Federasiyasına verdi".

InterPress.ge xəbər verir ki, bu barədə “Gürcü Arzusu”nun sədri İrakli Kobaxidze bildirib.

Onun sözlərinə görə, ölkə “Gürcü Arzusu” hökuməti dövründə ərazi itirməyib.

“Biz on ildir hakimiyyətdəyik və biz ilk hökumətik ki, bir dənə də olsun müharibə olmayıb və Rusiya ərazi baxımından irəliləyiş göstərməyib. “Milli Hərəkat” hökuməti dövründə ölkənin 20 faizi Rusiya Federasiyasına verildi. Anti-Rusiya hökuməti ölkəni idarə edəndə ölkənin 20 faizini Rusiyaya verdi. Hökumətimiz dövründə biz hər şeyi diqqətlə öyrənirik, müşahidə edirik və müvafiq cavab veririk”, - Kobaxidze bildirib.