Dmanisidə ata qızını zorla ərə getməyə məcbur edib və bu səbəbdən qız intihara cəhd edib

Hüquq-mühafizə orqanlarının əməkdaşları 42 yaşlı kişini qızını zorla ərə vermək və intihara cəhd etməsinə səbəb olmaqda ittiham edərək saxlayıblar.

InterPress.ge xəbər verir ki, Daxili İşlər Nazirliyi bununla bağlı məlumat yayıb.

Ata 20 yaşlı qızını istəyinə zidd olaraq ərə getməyə məcbur edib və bu səbəbdən qız intihara cəhd edib.

Daxili İşlər Nazirliyinin Kvemo Kartli Polis Departamentinin Dmanisi Rayon Şöbəsinin əməkdaşları tərəfindən həyata keçirilən əməliyyat və istintaq tədbirləri nəticəsində 1980-ci il təvəllüdlü Ş.A. ailə üzvünü ərə getməyə məcbur etmək və intihara cəhd etməsinə səbəb olmaq ittihamı ilə saxlayıblar.

İstintaq müəyyən edib ki, təqsirləndirilən şəxs qızı - 2002-ci il təvəllüdlü S.A.-ni istəyinə zidd olaraq ərə verməyə məcbur edib və buna görə də qız intihara cəhd edib. S.A-ya müvafiq tibbi yardım göstərilib və onun həyatı üçün təhlükə yoxdur.

Hüquq-mühafizə orqanlarının əməkdaşları bu barədə məlumat alan kimi həyata keçirdikləri müvafiq istintaq və prosessual tədbirlər nəticəsində Ş. A.- ni təqsirləndirilən şəxs qismində saxlayıblar.

Ailə üzvünün ərə getməyə məcbur edilməsi və intihara cəhd etməsinə səbəb olma faktı üzrə istintaq davam etdirilir.

Cinayət 6 ilə qədər azadlıqdan məhrumetmə ilə cəzalandırılır.