Rustavi-Tbilisi yolunda avtomobil inəyi vurub

Rustavi-Tbilisini birləşdirən yüksək sürətli magistralda “Subaru” markalı avtomobil inəyi vurub.

InterPress.ge xəbər verir ki, qəza nəticəsində iribuynuzlu heyvan xəsarət alıb.

Sürücünün dediyinə görə, şossedə aşağı sürətlə hərəkətdə olarkən, qəfildən inək qarşısına çıxıb və heyvanı vurub.

Heyvanlara Nəzarət Xidməti hadisə yerinə gəlib və əməkdaşları inəyin sahibini müəyyənləşdirməyə çalışırlar.

Qanuna görə, mal-qaranı nəzarətsiz qoyduğuna görə, sahibi 100 lari cərimələnməlidir.

Hadisə yerinə patrul polis briqadası səfərbər edilib.