SON DƏQİQƏ! Sakartvelo Bankı qarət edənlə polis arasında silahlı atışma oldu

Sakartvelo Bankın Kutaisidəki filialına soxulan silahlı şəxs 2 milyon lari tələb edir.

InterPress.ge xəbər verir ki, soyğunçu 2 milyon lari qarşılığında bankdakı insanları azad edəcəyini vəd edir.

“Bizə dedilər ki, soyğunçu 2 milyon pul tələb edir.  O, bir neçə nəfəri girov götürüb.  Ərazi sarı lentlə əhatə olunub, ora daxil olmağa icazə verilmir”, - deyə hadisə yerində olanlardan biri deyib.

Həmçinin, şahidin sözlərinə görə, atəş səsləri eşidilib. Lakin xəsarət alan olmayıb.  Hüquq-mühafizə orqanlarının əməkdaşları girovladan birini sağ-salamat çıxarıblar.

Kutaisi şəhərinin Rustaveli küçəsində bir neçə saatdır ki, xüsusi əməliyyat keçirilir.