“Sakartvelo Bank”a girən soyğunçu 3 saat vaxt verdi

Kutaisidə “Sakartvelo Bank”a girən soyğunçu 2 milyon dollar tələb edir və pulu gətirmək üçün 3 saat vaxt qoyub. 

InterPress.ge xəbər verir ki, sözügedən tələbi silahlı şəxs girovlardan birinin sosial şəbəkədə paylaşdığı videoda bildirib.

Bundan əlavə, videoda soyğunçu partlayıcı qurğunu göstərib və onun filialın divarlarından birində bərkidilmiş olduğu güman edilir.

Məlumat üçün bildirək ki, Kutaisi şəhərinin Rustaveli küçəsində xüsusi əməliyyat keçirilir. Mövcud məlumata görə, “Sakartvelo Bank”a silahlı soyğunçu daxil olub. Təsdiqlənməmiş məlumata görə, on nəfərə yaxın adam bankdadır. Hüquq-mühafizə orqanlarının əməkdaşları ətrafı mühasirəyə alıblar.