Sakartvelo Bankın filialında təmizlikçi işləyən qadın qorxudan hündürlükdən yıxılıb

Bir neçə saatdır ki, Sakartvelo Bankın Kutaisidəki filiallarından birində xüsusi əməliyyat keçirilir. 

InterPress.ge xəbər verir ki, banka girən soyğunçu 12 nəfəri girov götürərək 2 milyon dollar tələb edib.

Bank ərazisində olanların sözlərinə görə, soyğunçu banka girəndən bir neçə dəqiqə sonra səs-küy eşidiblər.

Hadisə şahidinin sözlərinə görə, təmizlikçi qadın ehtimal ki, qorxudan hündürlükdən yıxılıb. Onun sözlərinə görə, qadına artıq ilkin tibbi yardım göstərilib və o, əsas şahidlərdən sayılır.

"Eşitdik ki, təmizlikçi qadın yuxarıda olub, soyğunçu içəri girəndə pəncərə silərkən qorxusundan hündürlükdən yıxılıb, qışqıraraq qaçırdı", - deyə bildirilib.