Putin Rusiyada səfərbərlik elan etdi

Rusiya prezidenti Vladimir Putin televiziyada çıxış edib. Hazırda dövlət televiziyasında onun müraciəti göstərilir.

lnterPress.ge xəbər verir ki, BBC-nin Teleqram kanalının məlumatına görə, Putin Rusiyada qismən səfərbərlik elan edib.

 Rusiyanın dövlət mediası “RİA” yazıb ki, o, artıq müvafiq fərmanı imzalayıb.

"Yalnız hazırda ehtiyatda olan və ilk növbədə silahlı qüvvələrdə xidmət etmiş, müəyyən hərbi ixtisaslara və müvafiq təcrübəyə malik olan vətəndaşlar hərbi xidmətə çağırılacaqlar", - deyə Putin bildirib.

Rusiya Federasiyasında səfərbərlik tədbirləri sentyabrın 21-də başlayacaq.

Putin müraciətində qeyd edib ki, səfərbərlik işlərinə bu gündən start veriləcək.