Qəsdən adam öldürməkdə təqsirləndirilən şəxs 10 il müddətinə azadlıqdan məhrum edildi

Qori məhkəməsi prokurorluğun təqdim etdiyi sübutlar əsasında təqsirləndirilən şəxsi qəsdən adam öldürməkdə təqsirli bilib.

lnterPress.ge xəbər verir ki, bu barədə prokurorluq məlumat yayıb.

Daxili İşlər Nazirliyi tərəfindən aparılan araşdırmalar və məhkəmə prosesində ittiham tərəfinin təqdim etdiyi sübutlarla müəyyən edilib ki, 2021-ci il dekabrın 29-da Aspindze rayonunun Acğvit kəndində təqsirləndirilən şəxs şəxsi fikir ayrılığı zəminində yaranan mübahisə zamanı, zərərçəkmişə bıçaqla xəsarət yetirib. Aldığı xəsarətlər nəticəsində zərərçəkmiş dünyasını dəyişib.

Məhkəmə təqsirləndirilən şəxsi qəsdən adam öldürmədə təqsirli bilib və 10 il müddətinə azadlıqdan məhrum edib.