“Lelo” deputatları sərt viza rejiminin yaradılmasını tələb edir

“Lelo” deputatların sözlərinə görə, onların tələbi Rusiya-Gürcüstan sərhədinin bağlanması deyil, əsaslı istisnalarla sərhədin tənzimlənməsi və sərt viza rejiminin yaradılmasıdır. 

InterPress.ge xəər verir ki, Parlamentin üzvü Davit Usupaşvili bildirib ki, Gürcüstanda Rusiya vətəndaşlarının Gürcüstana girişi üçün qeyri-məhdud rejimin olması qəbuledilməz və yolverilməzdir.

“Viza rejimi həm vaxt, həm də şərtlər baxımından sərtləşdirilməlidir. Sərhədin bağlanmasını tələb etmirik! Biz dəyişikliklər hazırlamışıq və bu, problemi həll edəcək. Qadağalar istiqamətində deyil, sərtləşdirmə istiqamətində qərarlar qəbul etmək lazımdır”, - Davit Usupaşvili bildirib.

“Lelo”nun digər deputatı Salome Samadaşvilinin sözlərinə görə, hökumət hansı vətəndaşı qəbul edib, hansı vətəndaşı qəbul etməyəcəyini müəyyən etmək hüququna malikdir.

“Rusiya Federasiyası ilə viza rejimi tətbiq olunarsa, Rusiya vətəndaşlarının müəyyən kateqoriyasına sadələşdirilmiş qaydada - məsələn, bu gün Rusiya vətəndaşlığını daşıyan etnik gürcülərə və ya işğal olunmuş rayonlarda yaşayan insanlara viza verilməlidir. Hökumətin bunu tənzimləmək imkanı var”, - Samadaşvili bildirib.