Qiorqi Qaxariya Aleksandr Lukaşenkonun işğal olunmuş Abxaziyaya səfərini qınadı

Gürcüstanın keçmiş baş naziri, “Gürcüstan Naminə” partiyasının lideri Qiorqi Qaxariya Aleksandr Lukaşenkonun işğal olunmuş Abxaziyaya səfərinə münasibət bildirib.

InterPress.ge xəbər verir ki, o, bu barədə “Twitter” səhifəsində yazıb.

Qaxariya Belarus prezidentinin Abxaziyaya səfərini pisləyib və deyib ki, bütün bunlara sərt cavab verilməlidir.

"Prezident Lukaşenkonun Rusiya tərəfindən işğal olunmuş Abxaziyaya səfərini qətiyyətlə pisləyirəm. Bu, Gürcüstanın ərazi bütövlüyünün və suverenliyinin açıq şəkildə pozulmasıdır və buna Gürcüstan hökuməti və beynəlxalq ictimaiyyət tərəfindən sərt cavab verilməlidir. Biz hamımız bu cür pozuntulara qarşı qətiyyətlə dayanmalıyıq!” – deyə Qaxariya yazıb.