Dimitrios Kairidis: "Gürcüstanın yaxın dostlarıyıq və ölkənizin Avropaya gedən yolunu dəstəkləyirik"

"Biz Gürcüstanın yaxın dostlarıyıq və ölkənizin Avropaya gedən yolunu dəstəkləyirik".

InterPress.ge xəbər verir ki, Yunanıstan parlamentinin Avropa məsələləri üzrə komitəsinin sədr müavini Dimitrios Kairidis bu barədə gürcü nümayəndə heyəti ilə görüşdən sonra jurnalistlərə bildirib.

Dimitrios Kairidisin qeyd etdiyinə görə, həmkarları ilə görüşdə daha da sıx əməkdaşlıq barədə razılığa gəliblər.

“Bu iki xalqın qədim zamanlardan tarixi əlaqələri var. Yunanların Gürcüstanda diasporu olduğu kimi, Yunanıstanda da Gürcüstanın böyük nümayəndəliyi var ki, bu da bizi daha da yaxınlaşdırır. Putinin Ukraynada başlatdığı müharibə yeni reallıq yaratdı. Gürcüstan da Avropanın bir hissəsidir və bu, yeni Avropadır. Biz bu tarixi məqamda heç bir gecikmə və tərəddüd etmədən irəliləmək üçün bu fürsəti görməliyik. Həmkarlarımla görüş zamanı çox səmərəli müzakirələr apardıq və biz daha da sıx əməkdaşlıq haqqında razılığa gəldik”, - deyə Dimitrios Kairidis bildirib.