Şagirdləri cəzalandıran müəllim istefa verib

Marneulinin Qırxılı orta kənd məktəbinin müəllimi Rəhman Musayev məktəb direktoruna müəllimlikdən istefasını tələb edən ərizə təqdim edib.

InterPress.ge xəbər verir ki, bu barədə məlumatı məktəb direktoru Mehman Musayev xəbər portalımıza müsahibəsi zamanı təsdiq edib.

Məktəb direktoru uşaqların cəzalandırılması ilə  bağlı məlumatının olmadığını və həmçinin bununla bağlı valideyinlər tərəfindən ona heç bir məlumatın verilmədiyini qeyd edib.

Qeyd edək ki, R. Musayev eyni zamanda hakim Gürcü Arzusu partiyasının və Marneuli Şəhər Şurasının üzvüdür.