Rustavidəki Azot müəssisəsinin işçisi təsadüfən zəhərli maddə içib

Rustavidə “Azot” müəssisəsinin işçilərindən biri, 50 yaşlarında kişi bilməyərək zəhərli maddə içib.

InterPress.ge xəbər verir ki, müəssisənin direktoru Levan Burdiladze orta yaşlı kişinin zəhərli maddənin su olduğunu zənn etdiyini söyləyib.

"Bilirəm ki, xəstəxanaya aparılıb, ona tibbi yardım göstərilib. Tibbi yardımdan sonra vəziyyətinin o qədər də ağır olmadığını öyrəndim. Mənə dedilər ki, o, dezinfeksiyaedici məhlulu su hesab edib və səhvən içib”, - Burdiladze bildirib.

Müəssisə direktorunun sözlərinə görə, faktla bağlı daxili araşdırma başlayıb. 

Tibb müəssisəsi isə bildirib ki, xəstə reanimasiya şöbəsindədir və vəziyyəti ağır kimi qiymətləndirilir.