Mixeil Saakaşvilinin vəkili: "Mən Saakaşvilini belə pis vəziyyətdə görməmişdim"

"Mən Saakaşvilini belə pis vəziyyətdə görməmişdim, o, ayaq üstə dura bilmir. Çox yaxınlarda əməliyyat olunacaq, onurğası zədələnib və sinir sistemi tamamilə çöküb".

InterPress.ge xəbər verir ki, bunu Gürcüstanın üçüncü prezidenti Mixeil Saakaşvilinin vəkili Valeri Qelbaxiani "Vivamed" klinikasında ona baş çəkdikdən sonra deyib.

Ukraynada davam edən məhkəmə prosesi və Saakaşvilinin şahidi qismində dindirilmək üçün Ukraynaya göndərilməsi ilə bağlı Qelbaxianinin sözlərinə görə, Mixeil Saakaşvilinin Gürcüstan Ədliyyə Nazirliyinə artıq Ukrayna Ədliyyə Nazirliyindən müvafiq sənədlərin daxil olması barədə məlumatı var.

“Tibbi dillə desək, vəziyyəti çox ciddidir, bu barədə danışmaq istəmirəm. Onu 5 gündür görmürdüm və vəziyyəti xeyli pisləşib. O, amerikalı mütəxəssisin ziyarətini, onun içəri buraxılacağını gözləyir. O bu həkimin məsləhəti ilə Amerikaya müalicə üçün göndərilə bilər. Onun məlumatı var ki, Gürcüstan Ədliyyə Nazirliyi artıq müvafiq sənədi alıb"- Valeri Qelbaxiani bildirib.